Mirëseerdhet në Ambasadën e Republikës së Shqipërisë pranë Selisë së Shenjtë, që është në të njëjtën kohë edhe Ambasada e Republikës së Shqipërisë pranë Urdhërit Sovran Ushtarak të Maltës. Marrëdheniet midis Selisë së Shenjtë dhe Republikës së Shqipërisë janë shumë të mira dhe qëllimi ynë është t’ju informojmë shkurt mbi aktivitetin tonë e, mbi të gjitha, mbi marrëdheniet midis Republikës së Shqipërisë dhe Selisë së Shenjtë.
Në vitin 1991 rivendosen marrëdheniet diplomatike në rang Nunziature Apostolike për Selinë e Shenjtë dhe Ambasadën për Republikën e Shqipërisë.
Në 25 prill 1993, Shenjtëria e Tij, Papa Gjon Pali II viziton Shqipërinë, duke u ndalur ne Shkodër dhe Tiranë. Ati i Shenjtë i dhuron Kishës së martirizuar hjerarkinë e re të pasdiktaturës – katër ipeshkvij të rinj: Imzot Frano Illinë, Imzot Rrok Mirditën, Imzot Robert Ashtën dhe Imzot Zef Simonin.
Më 26 nëntor 1994 Ati i Shenjtë krijon kardinalin e parë shqiptar, Eminencën e Tij, Mikel Koliqin. Ambasada e Republikës së Shqipërisë do të vazhdojë të impenjohet në promovimin e marrëdhënieve të shkëlqyeshme midis Shqipërisë dhe Selisë së Shenjtë, si në ato dypalëshe, ashtu edhe në ato shumëpalëshe, meqënese Trupi Diplomatik i akredituar pranë Selisë së Shenjtë ndjek ketë tendencë. Shpresoj, që të informojmë qytetarët shqiptarë dhe të gjithë ata që janë të interesuar mbi marrëdheniet midis shqipërisë dhe Selisë së Shenjtë si dhe ato midis vendit tonë dhe Urdhërit Sovran Ushtarak të Maltës. Kjo faqe interneti do të lehtësojë marrjen e informacioneve për Shqipërinë.
Jam i gëzuar që po vizitoni faqen tonë dhe shpresoj që faqet e mëtejshme të mund t'i përgjigjen pyetjeve tuaja.
Bashkëpunëtorët e mi, zotohen të përpunojnë vazhdimisht këto faqe. Do t’ju jem shumë mirënjohës, nëse do të na dërgoni opinionin tuaj, të na ofroni sygjerime, apo të na drejtoni pyetje.
Ju uroj një vizitë virtuale të këndshme.

Ambasadori
Rrok Logu